Stabile aborttal i første halvår
Nyhet
|Publisert
I løpet av første halvår i 2024 ser vi førebels stabile aborttal på landsbasis. Samtidig ser vi ein nedgang i Oslo og blant dei i aldersgruppa 25-29 år.
Denne nyheten er eldre enn 30 dager og informasjonen kan være utdatert
Ta meg til forsidenFørebelse tal for 2024 visar at aborttala for første halvår held seg stabile.
– Etter ein oppgang i aborttala etter pandemien, ser det no ut til at vi får ei stabilisering av aborttala i 2024 samanlikna med 2023, seier Mette Løkeland-Stai, overlege ved Abortregisteret ved Folkehelseinstituttet.
Aborttala går tilbake i alderen 25–29 år og aukar litt for dei under 20 år
Tala viser ein skilnad i tendens mellom dei ulike aldersgruppene (Figur 2).
– Vi ser ein nedgang i aborttala i gruppa 25–29 år. Blant dei mellom 15–19 år ser det ut til å vere ein liten oppgang, fastslår Løkeland-Stai.
Regionale skilnader
Dei fleste universitetssjukehusa så ein auke i aborttala i 2023 i forhold til føregåande år. I år har det derimot vore ein nedgang på 10 prosent så langt ved Oslo universitetssjukehus. Endringane har vore mindre markante ved dei andre universitetssjukehusa (Figur 3).
Fordelinga mellom sjølvbestemte og nemndbehandla abortar er stabil
Prosentdelen nemndbehandla abortar i forhold til alle abortar er i første halvår av 2024 på 4,9 prosent. Fordelinga mellom sjølvbestemte og nemndbehandla abortar held seg dermed stabilt på under 5 prosent for nemndbehandla abortar.
Om tala
Abortregisteret har gjort ei førebels opptelling av talet på abortar i første halvår av 2024. Innan utgangen av august er normalt 96 prosent av abortane på landsbasis frå første halvår meldt til Abortregisteret. Abortregisteret gjer merksam på at tala i denne saka er førebelse, og vil kunne auke noko.